𝐂𝐓𝐂-𝟏𝟗 𝐕𝐈𝐋𝐋𝐀𝐆𝐄 𝐕𝐎𝐀𝐑𝐀 : 𝐍𝐎𝐕𝐀𝐓𝐒𝐈𝐀𝐍𝐀 𝐅𝐈𝐓𝐀𝐎𝐕𝐀𝐍𝐀 𝐇𝐀𝐍𝐀𝐌𝐀𝐅𝐈𝐒𝐀𝐍𝐀 𝐍𝐘 𝐅𝐀𝐇𝐀𝐃𝐈𝐎𝐕𝐀𝐍𝐀

Singa manana anjara toerana lehibe eo amin’ny fahazoana ny fahasalamana tomombana sy ara-kalitao ny fahadiovana. Nisy araka izany io maraina io ny fampitaovana hoentina manadio ny toerana eny amin’ny CTC-19 Village Voara izay vokatry ny fiaraha miasa teo amin’ny Ministeranan’ny Fahasalamam-bahoaka sy ny ONG WATERAID mba ahafahana manome antoka ny lafiny fidiovana sy fanadiovana ho tombotsoan’ireo mpiasan’ny fahasalamana izay miasa eny an-toerana sy ireo marary raisana an-tanana.

Ireo fitaovana noraisina ireo dia mamaly avy hatrany ny filàna ety amin’ny CTC-19 Village Voara, indrindra fa amin’izao fotoana hisian’ny rano miakatra izay mety mampirongatra ireo karazana valanaretina izao.
Tonga nanolotra izany tamin’ireo Tompon’andraikitra teny an-toerana ny Sekretera Jeneralin’ny Ministeran’ny Fahasalamam-bahoaka, Dr YASMINE Lethicia Lydia, ary nametraka ny hafatra mba hikojakojana sy hanajana hatrany ireo fitaovana izay noraisina.

Fanadihadiana: SCM/DIRCOM/MSANP