𝗔𝗗𝗬 𝗔𝗠𝗜𝗡’𝗡𝗬 𝗧𝗦𝗜𝗙𝗔𝗡𝗝𝗔𝗥𝗜𝗔𝗡𝗧𝗦𝗔𝗞𝗔𝗙𝗢 𝗠𝗜𝗧𝗔𝗥𝗔𝗭𝗢𝗞𝗔: 𝗙𝗮𝗻𝗼𝗺𝗮𝗻𝗮𝗻𝗮 𝗻𝘆 𝗳𝗶𝗱𝗶𝗿𝗮𝗻𝗮 𝗮𝗺𝗶𝗻’𝗻𝘆 𝗧𝗲𝘁𝗶𝗸𝗮𝘀𝗮 𝗙𝗔𝗙𝗬 𝗮𝗻𝗱𝗶𝗮𝗻𝘆 𝗳𝗮𝗵𝗮𝗿𝗼𝗮 (𝗣𝗵𝗮𝘀𝗲 𝗜𝗜)

Tanjona ankapoben’ny Tetikasa ny hampihenana ho 30% ny tahan’ny tsifanjariantsakafo mitarazoka izay miteraka fahataran’ny fitomboana ho an’ny Zaza latsaky ny roa taona.

Ny fampitomboana ny fampiasana ireo tolotra mikasika ny fanjariantsakafo sy ny fahasalaman’ny Reny sy ny Zaza ary ny fahasalamana ara-pananahana eny anivon’ny Tobimpahasalamana fototra (CSB 2) sy Toby FAFY no anisan’ny paikady entina hanatrarana izany , izay mifanindran-dalana rahateo amin’ny Velirano fahadimy, teboka voalohany.

Hiditra amin’ny andiany faharoa ny Tetikasa ary nisy ny atrikasa ho fanomanana izany, izay tanterahina nanomboka omaly hatramin’ny Zoma 26 Aogositra 2022 ao Antsirabe, renivohitry ny Faritra Vakinankaratra.

Mandray anjara amin’izao atrikasa izao avokoa ireo Tomponandraikitra eto anivon’ny Ministera foibe sy eny anivon’ireo Fitaleavam-paritra izay miantsehatra amin’ny Tetikasa.

Ireo Faritra 09 misitraka ny Tetikasa FAFY: Analamanga, Itasy, Vakinankaratra, Bongolava, Amoron’i Mania, Matsiatra Ambony, Alaotra Mangoro, Vatovavy, Fitovinany.