𝗙𝗔𝗠𝗣𝗜𝗩𝗢𝗔𝗥𝗔𝗡𝗔 𝗡𝗬 𝗙𝗔𝗛𝗔𝗦𝗔𝗟𝗔𝗠𝗔𝗠-𝗕𝗔𝗛𝗢𝗔𝗞𝗔: 𝗙𝗔𝗡𝗢𝗠𝗕𝗢𝗛𝗔𝗡𝗔 𝗢𝗙𝗜𝗦𝗜𝗔𝗟𝗬 𝗡𝗬 𝗙𝗜𝗧𝗔𝗧𝗘𝗥𝗔𝗡𝗔 𝗙𝗔𝗡𝗔𝗙𝗢𝗗𝗬 𝗔𝗠𝗜𝗡’𝗡𝗬 𝗔𝗟𝗔𝗟𝗔𝗡’𝗡𝗬 « 𝗗𝗥𝗢𝗡𝗘 »

Fahasalamana ho an’ny rehetra tsy anavahana sokajin-taona » izany no velirano faha-5 napetraky ny Filoham-pirenena Andry RAJOELINA ary ny Ministeran’ny fahasalamam-bahoaka dia manohy ny ezaka rehetra amin’ny fanatanterahana izany.

Mihazakazaka ny fivoaran’ny tontolon’ny fitaterana sy ny teknolojia. Mivoatra manaraka izany ihany koa ny fomba fitaterana ireo fanafody sy kojakoja medikaly eto Madagasikara ary manome Tanana ny Fitondram-panjakana amin’ny fanatanterahana izany ireo Mpiara-miombon’antoka.

Nosokafana tamin’ny fomba ofisialy androany 24 Martsa 2022 tany Antetezambaro, distrikan’i Toamasina II ny fanombohana ny fitaterana fanafody amin’ny alalan’ny « drone » ao amin’ny faritra Antsinanana.

Manampy be ny famatsiana ireo Tobimpahasalamana saro-dalana ny fisian’izao fitaterana fanafody amin’ny alalan’ny « drone » izao, satria minitra vitsivitsy no isaina dia afaka misitraka ny fanafody izy ireo. Azo antoka ihany koa araka izany ny famatsiana fanafody ara-potoana eny amin’ireo toerana lavitra ny tanan-dehibe

Izao tetikasa goavana izao no tanteraka dia noho ny fiaraha-miasan’ny Fitondram-panjakana Malagasy amin’ny alalan’ny Ministeran’ny Fahasalamam-bahoaka sy ny Governemanta Amerikana, amin’ny alalan’ny USAID/IMPACT.

« Izay Marary andrianina ! », miavaka ary hita miharihary sy azo tsapain-tanana ny ezaka ataon’ny Fitondram-panjakana ankehitriny sy ireo Mpiara-miombon’antoka amin’ny fampivoarana ny fahasalamam-bahoaka.

SCM/DIRCOM-MSANP