𝗖𝗔𝗥𝗔𝗩𝗔𝗡𝗘 𝗗𝗘 𝗟𝗔 𝗦𝗔𝗡𝗧𝗘: 𝗙𝗮𝗿𝗶𝘁𝗿𝗮 𝗩𝗮𝘁𝗼𝘃𝗮𝘃𝘆

𝗖𝗔𝗥𝗔𝗩𝗔𝗡𝗘 𝗗𝗘 𝗟𝗔 𝗦𝗔𝗡𝗧𝗘: 𝗙𝗮𝗿𝗶𝘁𝗿𝗮 𝗩𝗮𝘁𝗼𝘃𝗮𝘃𝘆

𝗔𝗸𝗼𝗿𝘆 𝗹𝗮𝗵𝗮𝗹𝘆 𝗲! – Mitohy hatrany ny hetsika ara-pahasalamana « caravane de la santé » eo ambany fitarihan-dRamatoa Mialy RAJOELINA, vadin’ny Filohan’ny Repoblikan’ i Madagasikara no sady Filohan’ny Fikambanana FITIA izay tafiditra anatin’ny fankalazana ny Andro iraisam-pirenena ho an’ny vehivavy.

Mifanome tanàna amin’ny Fanatanterahana izany ny Fikambanana Fitia sy ny Ministeran’ny Fahasalamam-bahoaka, ny Ministeran’ny Mponina ary ireo Mpiara-miombonantoka maro samihafa

Ambohipihaonan’ireo mponina ao amin’ny Kaominina Ambanivohitra Kianjavato ny teo amin’ny Kianja Lemandiny Jean Baptiste androany Asabotsy 05 martsa 2022 izay toerana nanatanterahana ny hetsika.

Vory lanona ny vahoaka tonga nisitraka ireo tolotra ara-pahasalamana marolafy, ary nisaotra ny Fitondram-panjakana izy ireo nisafidy ity Kaominina ambanivohitra ity nanatanterahana izao fitsaboana manatona vahoaka izao.

Nitarika sy nanome voninahitra ny hetsika androany, ny Minisitry ny Fahasalamam-bahoaka, Prof. RANDRIAMANANTANY Zely Arivelo, notronin’ny Governoran’ny Faritra Vatovavy, ny Ben’ny Tananan’ ny Kaominina ambanivohitra Kianjavato sy ireo tompon’andraikitra sivily sy miaramila isan-tsokajiny.

Hitohy manoloana ny GARA MANAKARA, faritra Fitovinany indray ny CARAVANE DE LA SANTE rahampitso Alahady 06 martsa 2022.

: SCM/DIRCOM-MSANP