𝗙𝗔𝗡𝗞𝗔𝗟𝗔𝗭𝗔𝗡𝗔 𝗡𝗬 𝗔𝗡𝗗𝗥𝗢 𝗜𝗥𝗔𝗜𝗦𝗔𝗠-𝗣𝗜𝗥𝗘𝗡𝗘𝗡𝗔 𝗛𝗢 𝗔𝗡’𝗡𝗬 𝗔𝗡𝗗𝗥𝗢𝗕𝗘

Ankalazaina isaky ny alatsinainy faharoa ao anatin’ny volana febroary ny andro iraisam-pirenena ho an’ny Androbe.

Ny lohahevitra amin’ity taona ity dia : “ Ndao hiara-hientana hiady amin’ny androbe: fepetra takiana ho fanatsaran’ny fahasalaman’ny vahoaka”.

Ny Androbe dia aretin’ny atidoha , miseho amin’ny alalan’ny fanintona miverimberina. Misy karazany maro ny fisehony.

Mety mahazo ny olona rehetra izy. Tsy mamindra ny androbe, tsy manaranaka ary azo tsaboina tsara.

Olona miisa 21 ao anatin’ny 1000 no voan’ity aretina ity izany hoe eo ho eo amin’ny roa (2) isan-jaton’ny mponina eo eto Madagasikara.

Koa manentana antsika tsirairay avy hanana herimpo sy fitiavana ombana ezaka ary finiavana ho amin’ny fanentanana ny fisorohana ny androbe.

Manentana ny fiaraha-misalahintsika eo amin’ny fiatrehana sy fandraisana an-tanana ireo olona tratran’ny aretina androbe ary hanohitra ny fanilikilihana amin’ny endriny rehetra atao amin’ny olona voan’ny androbe.

Fampitam-baovao: Dlmnt