𝗙𝗔𝗡𝗔𝗥𝗔𝗛𝗔𝗠𝗔𝗦𝗢 𝗡𝗬 𝗞𝗔𝗟𝗜𝗧𝗔𝗢𝗡’𝗡𝗬 𝗙𝗔𝗡𝗔𝗙𝗢𝗗𝗬

𝗙𝗔𝗡𝗔𝗥𝗔𝗛𝗔𝗠𝗔𝗦𝗢 𝗡𝗬 𝗞𝗔𝗟𝗜𝗧𝗔𝗢𝗡’𝗡𝗬 𝗙𝗔𝗡𝗔𝗙𝗢𝗗𝗬

Ho fanatanterahana ny velirano faha-5 « Fahasalamana ho an’ny rehetra tsy anavahana sokajin-taona », dia manohy ny ezaka hatrany ny Ministeran’ny Fahasalamam-bahoaka amin’ny fanatsarana ny tolotra ara-pahasalamana sy ny fitandrovana ny fahasalamam-bahoaka . Isan’izany ny tolotra fanafody tsara kalitao, sitrahan’ny vahoaka amin’ny fotoana rehetra ilany izany.

Ny fitaleavana miandraikitra ny fanafody eto anivon’ny Ministeran’ny Fahasalamam-bahoaka (« Agence du Médicament de Madagascar ») no mijery ny kalitaon’ny fanafody alohan’ny fampidirana azy eto Madagasikara sy ny fanomezana ny fahazahoan-dalana hivarotana izany.

Nanomboka omaly 01 Febroary 2022, ka haharitra efatra andro, no anaovana atrikasa ho famaritana ny fomba fiasan’ireo vondrona manara-maso ny kalitaon’ny fanafody, ny tondrozotram-pirenena mikasika ny fanaraha-maso ny kalitaon’ny fanafody ary koa hianarana ny fampiasana ilay fitaovana hamaritana ireo toerana saropady sy tranga-javatra mety hanimba ny kalitaon’ny fanafody.

Tanjona ny hananana fandaharanasa fohy ho fanaraha-maso ny kalitaon’ny fanafody mba hahafahana miantoka izay kalitaon’ny fanafody vatsiana ho an’ny vahoaka, izay anisan’ny antoky ny fahasalam-bahoaka.

𝗦𝗖𝗠/𝗗𝗜𝗥𝗖𝗢𝗠-𝗠𝗦𝗔𝗡𝗣