𝗧𝗔𝗥𝗔𝗡𝗝𝗔 𝗕𝗔𝗢𝗟𝗜𝗡𝗔 𝗟𝗔𝗩𝗔𝗟𝗔𝗩𝗔 : 𝗡𝗢𝗧𝗢𝗟𝗢𝗥𝗔𝗡𝗔 𝗙𝗜𝗧𝗔𝗢𝗩𝗔𝗡𝗔 𝗡𝗬 𝗘𝗞𝗜𝗣𝗔 𝗩𝗘𝗛𝗜𝗩𝗔𝗩𝗜𝗡’𝗡𝗬 𝟯𝗙𝗕

Ho fampiroboroboana ny Fanatanjahan-tena eto anivon’ny Ministeran’ny Fahasalamam-bahoaka dia notoloran’ny Ministera foibe, « Survêtement » sy « écharpe » ny Ekipan’ny 3FB Rugby vehivavy izay hiatrika ny Lalao Famaranana amin’ny fiadiana ny Tompondakan’i Madagasikara FINALE TOP 5 DAME anio tolakandro etsy amin’ny Kianja Makis Andohatapenaka.

Tonga nanolotra izany teny amin’ny Kianjan’ny CHUJRA Ampefiloha io maraina io ireo Ray aman-dreny avy eto anivon’ ny Ministera foibe izay notarihan-dRamatoa Talen’ny Kabinetra izay nisolo-tena an’ Andriamatoa Minisitra.

Ny Ministeran’ny Fahasalamam-bahoaka dia misokatra mandrakariva amin’ny fiaraha-miasa rehetra, na eo amin’ny lafiny fahasalamana io na ny sehatry ny fanatanjahan-tena toy izao. Koa entanina isika mpiara-miombon’antoka ho tonga hifanome tanana amin’izany.

#Fanatanjahan_tena #Fahasalamana

SCM/DIRCOM-MSANP