Araky ny tantara dia tamin’ny taona 1936 no niorenan’ny Hopitaly be Toliara, ka ny vanim-potoana nifandimby no namaritra ny anarany. « Hôpital militaire » tany am-boalohany, niova ho « Hopital principal », « Centre Hospitalier de Référence Provincial », « Centre Hospitalier de Référence Régional » ary « Centre Hospitalier Universitaire » nanomboka ny taona 2014.
Ny fandraisana an-tanana ireo aretina ilana fandidiana no tena mampalaza ny CHU Antanambao ary afaka mandray marary manodidina ny 230 ny Hopitaly izay mitsinjara amin’ny sampandraharaha maro toy ny:– A.T.U (Fandraisana an-tanana ny Vonjy Aina)
– REANIMATION
– CHIRURGIE GENERALE
– CHIRURGIE VISCERALE
– STOMATOLOGIE
– OPHTALMOLOGIE-ORL
– NEUROLOGIE
– PSYCHIATRIE
– PHARMACIE
– LABORATOIRE
– IMAGERIE MEDICALE
– ENDOSCOPIE
– ONCOLOGIE ET MEDECINE POLYVALENTE
– PHTISIOLOGIE
– MATERNITE
– PEDIATRIE
– SERVICE D’APPAREILLAGE ET REEDUCATION FONCTIONNELLE
Ho fampiharana izay voafaritry ny politika ankapoben’ny Minisiteran’ny Fahasalamana dia misy ny fametrahana ilay atao hoe: « pool de compétence » izay mandalo dingana maro kanefa mitondra tombotsoa betsaka eo anivon’ny Hôpitaly satria mampifanampy sy mampifameno ny fisahanana ny mahaolona sy ny fampitaovana ary ny foto-drafitrasa. Marihana fa miorina ao amin’ny Faritry ny Hopitaly ihany koa ny “Ecole de Faculté de Médecine” Toliara. Vokatry ny fiaraha-miasa amin’ny mpiara-miombonantoka dia nasiana fanatsarana ny anatin’ny toerana misy ny hôpitaly izay natao tara (goudron) ary ho fampitomboana ny fahafaha-mandray marary dia efa eo an-dalam-panamboarana amin’izao ny trano vaovaon’ ny sampan-draharaha misahana ny « Vonjy Aina ».
Mikasika izay « Vonjy Aina » izay indrindra dia efa nihatra teo anivon’ny Hôpitaly nanomboka ny faha 16 oktobra 2021 lasa teo ihany koa ny fampiharana ny « fonds d’urgence sanitaire » amin’ny alalan’ny fanomezana fitsaboana sy fanafody maimaimpoana ireo marary mila « premiers soins d’urgence ». Izany dia fanatanterahana ihany koa ny Velirano fahadimin’ny Filohan’ny Repoblika Andry RAJOELINA, « Fahasalamana ho an’ny rehetra tsy anavahana sokajin-taona » araka ny toromarika avy amin’ny Ministera foibe. Araka izany dia azo lazaina fa isan’ireo Tobimpahasalamana mahafeno sy an-dalam-panatanterahana ny fenitra takian’ny vanim-potoana ankehitriny ny CHU Antanambao, koa entanina isika vahoaka ao Toliara sy ny manodidina ho tonga hisitraka ireo tolotra ara-pahasalamana ao an-toerana. Misokatra 24/24 ora, 7/7 andro ny Hopitaly ary vonona ny handray antsika mandrakariva ny Mpiasan’ny Fahasalamana.
Ankasitrahana ianao namaky hatramin’ny farany, mbola Tobimpahasalamana ao amin’ny Faritra Atsimo Andrefana ihany no hampahafantarina antsika amin’ny ranty manaraka.——————-
Soàva, tsarà Tompoko!
——————-
Pejy facebook CHU Antanambao Toliara: https://web.facebook.com/CHU-Antanambao-Toliara-103362681234715
Angom-baovao: SCM/DIRCOM-MSANP
