𝗗𝗜𝗦𝗜𝗧𝗥𝗜𝗞𝗔 𝗠𝗢𝗥𝗔𝗠𝗔𝗡𝗚𝗔 : 𝗧𝗢𝗟𝗢-𝗧𝗔𝗡𝗔𝗡𝗔 𝗙𝗔𝗡𝗗𝗜𝗗𝗜𝗔𝗡𝗔 𝗠𝗔𝗜𝗠𝗔𝗜𝗠𝗣𝗢𝗔𝗡𝗔

Handray hetsika lehibe handraisana an-tanana maimaimpoana ireo olona mila fandidiana ny CHRD II Moramanga, manomboka ny 06 ka hatramin’ny 12 novambra 2021. Hetsika vokatry ny fiaraha-misalahy eo amin’ny Ministeran’ny Fahasalamam-bahoaka sy ny ROTARY, tohanan’ireo mpiara-miombonantoka samihafa, ary mirona amin’ny fanomezana tolotra ara-pahasalamana ho an’ireo manana olana toy ny sima, sima anatiny, « hernie », « lipôme », olatra ary olatra may. Misy araka izany ny fisoratana anarana eny amin’ny tobim-pahasalamana akaiky ireo izay te-hisitraka izany tolotra maimaimpoana izany.

Nampahafantarina ampahibemaso androany ny fisian’ity hetsika ity izay teo ambany fitarihan’ ny Tale Jeneralin’ ny Tolotra ara-pahasalamana, Dr Rado RAZAFIMAHATRATRA, izay nitondra ny teny fisaorana ho an’ireo mpiara-miombonantoka amin’izao hetsika izao izay mifanaraka rahateo amin’ny Velirano faha-5 napetraky ny Filohan’ny Repoblika, dia ny « Fahasalamana ho an’ny rehetra, tsy anavahana sokajin-taona ».

SCM/DIRCOM/MSANP