𝗟𝗼𝘇𝗮𝗺-𝗽𝗶𝗳𝗮𝗺𝗼𝗶𝘃𝗼𝗶𝘇𝗮𝗻𝗮 𝗥𝗡 𝟰𝟰 : 𝗡𝗮𝗻𝗱𝗿𝗮𝘆 𝗻𝘆 𝗮𝗻𝗱𝗿𝗮𝗶𝗸𝗶𝗻𝘆 𝗻𝘆 𝗠𝗶𝗻𝗶𝘀𝘁𝗲𝗿𝗮𝗻’𝗻𝘆 𝗙𝗮𝗵𝗮𝘀𝗮𝗹𝗮𝗺𝗮𝗺-𝗯𝗮𝗵𝗼𝗮𝗸𝗮

𝗡𝗮𝗻𝗼𝗹𝗼𝗮𝗻𝗮 𝗻𝘆 𝗹𝗼𝘇𝗮𝗺-𝗽𝗶𝗳𝗮𝗺𝗼𝗶𝘃𝗼𝗶𝘇𝗮𝗻𝗮 𝗻𝗶𝘀𝗲𝗵𝗼 𝗼𝗺𝗮𝗹𝘆 𝗵𝗮𝗿𝗶𝘃𝗮 𝘁𝗮𝗼 𝗠𝗮𝗿𝗼𝘃𝗼𝗮𝘆 𝗠𝗼𝗿𝗮𝗺𝗮𝗻𝗴𝗮, 𝗥𝗡 𝟰𝟰 𝐝𝐢𝐚 𝐧𝐚𝐧𝐝𝐫𝐚𝐲 𝐚𝐧𝐝𝐫𝐚𝐢𝐤𝐢𝐭𝐫𝐚 𝐚𝐯𝐲 𝐡𝐚𝐭𝐫𝐚𝐧𝐲 𝐧𝐲 𝗠𝗶𝗻𝗶𝘀𝘁𝗲𝗿𝗮𝗻’𝗻𝘆 𝗙𝗮𝗵𝗮𝘀𝗮𝗹𝗮𝗺𝗮𝗺-𝗯𝗮𝗵𝗼𝗮𝗸𝗮 𝘁𝗮𝗺𝗶𝗻’𝗻𝘆 𝗮𝗹𝗮𝗹𝗮𝗻’𝗻𝘆 « 𝗙𝗼𝗻𝗱𝘀 𝗱’𝘂𝗿𝗴𝗲𝗻𝗰𝗲 » 𝗶𝘇𝗮𝘆 𝘃𝗮𝗼 𝗻𝗮𝗽𝗲𝘁𝗿𝗮𝗸’ 𝗔𝗻𝗱𝗿𝗶𝗮𝗺𝗮𝘁𝗼𝗮 𝗙𝗶𝗹𝗼𝗵𝗮𝗻’𝗻𝘆 𝗥𝗲𝗽𝗼𝗯𝗹𝗶𝗸𝗮 𝗔𝗻𝗱𝗿𝘆 𝗥𝗔𝗝𝗢𝗘𝗟𝗜𝗡𝗔 𝗻𝘆 𝗵𝗲𝗿𝗶𝗻𝗮𝗻𝗱𝗿𝗼 𝗹𝗮𝘀𝗮 𝘁𝗲𝗼.

19 no isan’ireo naratra noraisina an-tanana tao amin’ny CHRD Moramanga, 05 no namoy ny ainy, 06 nalefa niakatra namonjy ny CHUJRA Antananarivo, 05 manaraka fitsaboana ao amin’ny sampandraharaha misahana ny fandidiana, ny 03 narahamaso tao amin’ny sampandraharaha misahana ny Vonjy Aina ary efa nivoaka raha ny vaovao voaray avy amin’ny Lehiben’ny CHRD Moramanga izao maraina izao.

Nentina namonjy ny Hopitaly ihany koa ireo olona 03 hafa namoy ny ainy teo amin’ny toerana nisehoan’ny loza.

Miisa 05 ireo maratra mbola manaraka fitsaboana ao an-toerana raha ny fampitam-baovao voaray hatrany ary efa mihatsara avokoa ny toe-pahasalaman’ izy ireo.

Ny Ministeran’ny Fahasalamam-bahoaka dia miondrika am-panajana sy mitondra ny teny fankaherezana ho an’ny fianakavian’ireo namoy ny ainy tamin’iny lozam-pifamoivoizana iny ary mirary fahasitranana haingana ho an’ireo maratra izay mbola manaraka fitsaboana.

SCM/DIRCOM-MSANP