𝗖𝗛𝗨 𝗔𝗡𝗗𝗢𝗛𝗔𝗧𝗔𝗣𝗘𝗡𝗔𝗞𝗔 : 𝗩𝗔𝗥𝗔𝗩𝗔𝗥𝗔𝗡𝗔 𝗠𝗜𝗦𝗢𝗞𝗔𝗧𝗥𝗔, 𝗔𝗡𝗗𝗥𝗢 𝗩𝗢𝗔𝗟𝗢𝗛𝗔𝗡𝗬

Vahoaka maro no tonga namaly ny antso nandritra ny andro voalohany omaly 19 oktobra 2021, nahitàna tolotra ara-pahasalamana maro karazana sy maimaimpoana, ary fampisehoana ireo fomba fiasa eo anivon’ny Hôpitaly.

Tonga nanokatra ny fotoana tamin’ny fomba ôfisialy teny an-toerana ny Tale Jeneraly misahana ny famatsiana ara-pahasalamana, ny Dr RAZAFIMAHATRATRA Rado, izay nisolo tena ny Minisitry ny Fahasalamam-bahoaka, ny Pr RANDRIAMANANTANY Zely Arivelo, notronin’ireo Tale Mpitantana sy mpiara-miasa rehetra eo anivon’ny Hôpitaly.

Miditra amin’ny andro faharoa sady farany ny hetsika anio, ka hampiavaka izany ny fisian’ny tolotra mikasika ny fiomanana amin’ny fiterahana na « préparation à l’accouchement ».

Fitsaboana manakaiky vahoaka, azo tsapain-tanana tahaka ny hetsika toy izao, no ezaka ataon’ny Fitondram-panjakana, amin’ny alalan’ny Ministeran’ny Fahasalamam-bahoaka, sy ireo mpiaramiombonantoka aminy, amin’ny fanatanterahana ny Velirano fahadimy dia ny hanomezana fahasalamana ho an’ny rehetra, ary tsy anavahana sokajin-taona, araka ny toromarika avy amin’ny Filohan’ny Repoblika Andry RAJOELINA.

SCM/DIRCOM-MSANP