𝐓𝐎𝐋𝐎𝐓𝐑𝐀 𝐀𝐑𝐀-𝐏𝐀𝐇𝐀𝐒𝐀𝐋𝐀𝐌𝐀𝐍𝐀 𝐌𝐀𝐍𝐀𝐊𝐀𝐈𝐊𝐘 𝐕𝐀𝐇𝐎𝐀𝐊𝐀 -𝐊𝐀𝐎𝐌𝐈𝐍𝐈𝐍𝐀 𝐁𝐎𝐍𝐆𝐀𝐓𝐒𝐀𝐑𝐀 – 𝐅𝐀𝐑𝐈𝐓𝐑𝐀 𝐀𝐍𝐀𝐋𝐀𝐌𝐀𝐍𝐆𝐀

Taorian’ny Kaominina Ambanivohitra Sandrandahy, Faritra Amoron’i Mania sy ny Kaominina Maevatanana, Faritra Betsiboka dia ny Kaominina Ambanivohitra Bongatsara no nampiantrano ny tolotra ara-pahasalamana manakaiky vahoaka izay nokarakarain’ny DLMNT eto anivon’ny Ministeran’ny Fahasalamam-bahoaka tamin’ity volana jona 2021 ity.
Hetsika izay teo ambany fitarihan’ Andriamatoa Minisitry ny Fahasalamam-bahoaka, Prof. RAKOTOVAO HANITRALA Jean Louis ho fanatanterahana ny Velirano Fahadimy ary tafiditra ihany koa amin’ny fankalazana ny Andro ho an‘ny fahasalaman‘ny nify sy ny ativava izay nitondra ny lohahevitra hoe “Sahià mirehareha amin‘ny nify sy ny ativavanao“.

Toy ny tany amin’ireo Faritra roa voalaza eo ambony ireo dia maro ireo tolotra ara-pahasalamana hita nandritra ity hetsika omaly ity. Toy ny :
Fanalàna sy fitsaboana nify
Fizahana ny Fahasalaman‘ny saina
Fizahana maso
Fitiliana katarakta
Fihainoana, torohevitra mikasika
ny herisetra mianjady amin‘ny vehivavy
——-
Fitiliana Diabeta,
Fitiliana homamiadan‘ny vozon‘ny Tranon-jaza
Fitiliana VIH sy IST
Fandrindram-piterahana
Fanomezan-drà maimaimpoana
Fijerena Tosi-drà
——-
Didi-poitra

Nahatratra 3207 isa ireo olona nisitraka mivantana ny tolotra ara-pahasalamana mamaimpoana nandritra ireo hetsika telo sosona ireo. Niisa 992 raha ho an’ny kaominina Bongatsara manokana.

Olomboafidy sy manampahefana sivily sy miaramila maro no nanotrona an’ Andriamatoa Minisitry ny Fahasalamam-bahoaka tamin’ny fanatontosana ireo hetsika ireo. Porofo maneho ny firaisankinan’ny mpitondra fanjakana ankehitriny amin’ny fanatsaràna ny fahasalamam-bahoaka.

𝐒𝐚𝐫𝐲 𝐬𝐲 𝐚𝐧𝐠𝐨𝐦-𝐛𝐚𝐨𝐯𝐚𝐨 : 𝐒𝐂𝐌/𝐃𝐢𝐫𝐂𝐨𝐦-𝐌𝐒𝐀𝐍𝐏